Section 1 - Likle Title

Long story shawt

Ina Jamaica if yu commit a cyber crime, one law deh deh name di Cybercrimes Act fi punish yu. Dis Act is a set a punishment if yu use a computer an commit a crime or if yu commit a crime gainst a computer system.

Section 2 - How dis law understand certain phrase and words

Long story shawt

Ina da section yah, it tell yu di meaning a sum diffrent word weh ina di Act. Some a di word dem deh below.

Note: Yu nuh really need fi get the definition dem now cauz dem long but a sum common word weh most normally understand. yu can read di official Act if yu really wha know.

"computer"

"computer service"

"damage"

"data"

"electronic communications system"

"function"

"key"

"output"

"program"

Section 3 - Neva get permission fi access a Computer Program or Data

Long story shawt

Yu bruk di cyber crime law if yu neva get permission fi access peepl data an u knw seh u shuda get permission. It nuh matta if yu dweet fi yuself or fi smaddy else.

Fi likle likle cyber crime:

If di court seh yu guilty, den dem can tel yu fi pay bout 3 mil (J$3,000,000) or sen yu go prison fi bout three (3) year.

If yu mash up supn pan yu likle likle cyber crime, di court can tel yu fi pay up bout 4 mil or sen yu go prison fi bout four (4) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout seven (7) year.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout ten (10) year.

If a di second time or more yah commit a big cyber crime, den di court can tel yu fi pay dem some money or sen yu go prison fi bout fifteen (15) year.

Section 4 - Access tings wid di plan fi bruk di law or help bruk di law

Long story shawt

Yu bruk di cyber crime law if yu access peepl data an neva get dem permission an u did plan fi use di access fi do a nex crime weh already have a one (1) year prison sentence. Plus, if yu help smaddy fi organize a cyber crime, yu guilty too!

Ina some case, if proof deh deh seh u get permission yu might still guilty.

Fi likle likle cyber crime:

If di Jamaican court seh yu guilty, dem can ask yu fi pay up bout four (4) mil (J$4,000,000) or sen yu go prison fi bout four (4) year.

If yu mash up supn pan yu yu big cyber crime, di court can tel yu fi pay dem bout 5 mil (J$5,000,000) or sen yu go prison fi bout five (5) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout seven (7) year.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout ten (10) year.

If a di secon time or more yah commit a big cyber crime, den di court can tel yu fi pay dem some money or sen yu go prison fi bout fifteen (15) year.

Section 5 - Neva get permission and gone go change Computer Program an Data"

Long story shawt

Yu bruk Jamaica cyber crime law if yu change supn pan a system an yu neva get permission.

Fi likle likle cyber crime:

If di court seh yu guilty, den dem can tel yu fi pay bout 3 mil (J$3,000,000) or sen yu go prison fi bout three (3) year.

If yu mash up supn pan yu likle likle cyber crime, di court can tel yu fi pay up bout 4 mil or sen yu go prison fi bout four (4) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout seven (7) year.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout ten (10) year.

If a di second time or more yah commit a big cyber crime, den di court can tel yu fi pay dem some money or sen yu go prison fi bout fifteen (15) year.

Section 6 - Neva get permission an start cauz problems wid a Computer Function or Service

Long story shawt

Yu bruk di cyber crime law if yu hijack a computer function or system fi spite/ pan purpose.

Fi likle likle cyber crime:

If di court seh yu guilty, den dem can tel yu fi pay bout 3 mil (J$3,000,000) or sen yu go prison fi bout three (3) year.

If yu mash up supn pan yu likle likle cyber crime, di court can tel yu fi pay up bout 4 mil or sen yu go prison fi bout four (4) year.

If a di second time or more yah commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime an a yu first time , den di court can tel yu fi pay dem some money or sen yu go prison fi bout seven (7) year.

If yu mash up supn pan yu big big cyber crime, di court can tel yu fi pay dem some money or sen yu go prison fi bout ten (10) year.

If a di second time or more yah commit a big cyber crime, den di court can tel yu fi pay dem some money or sen yu go prison fi bout fifteen (15) year.

Section 7 - Neva get permission an yah block a computer from work

Long story shawt

Yu bruk di cyber crime law if yu cauz a computer fi a move slow, crash or nah work right fi spite/ pan purpose.

Fi likle likle cyber crime:

If di court seh yu guilty, den dem can tel yu fi pay bout 3 mil (J$3,000,000) or sen yu go prison fi bout three (3) year.

If yu mash up supn pan yu likle likle cyber crime, di court can tel yu fi pay up bout 4 mil or sen yu go prison fi bout four (4) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout seven (7) year.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout ten (10) year.

If a di second time or more yah commit a big cyber crime, den di court can tel yu fi pay dem some money or sen yu go prison fi bout fifteen (15) year.

Section 8 - If yu use a computer fi scammin type a tings

Long story shawt

Yu bruk di cyber crime law if yu con people fi yu own benefit or fi smaddy else cauz u change supn, delete supn, hide supn, or change up tings pan a computer system.

Fi likle likle cyber crime:

If di court seh yu guilty, den dem can tel yu fi pay bout 4 mil (J$4,000,000) or sen yu go prison fi bout four (4) year.

If yu mash up supn pan yu likle likle cyber crime, di court can tel yu fi pay up bout 5 mil (J$5,000,000) or sen yu go prison fi bout five (5) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime an a yu first time , den di court can tel yu fi pay dem some money or sen yu go prison fi bout ten (10) year.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout fifteen (15) year.

If a di second time or more yah commit a big cyber crime, den di court can tel yu fi pay dem some money or sen yu go prison fi bout twenty (20) year.

Section 9 - If yu use a computer fi sen out bad tings to peepl

Long story shawt

Yu bruk di cyber crime law if yu sen tings to peepl weh outa order or a threaten dem, worse if yu plan fi stress dem out, hurt dem or mash up dem personal tings.

It nuh matta if di smaddy weh get ur message a di right smaddy.

Jus so wi clear: sum tings deh deh weh nuh really count, like if wah yu sen affi do wid some type a Industrial Action weh an it link to di Labour Relations and Industrial Disputes Act.

Fi likle likle cyber crime:

If di court seh yu guilty, den dem can tel yu fi pay bout 4 mil (J$4,000,000) or sen yu go prison fi bout four (4) year.

If yu mash up supn pan yu likle likle cyber crime, di court can tel yu fi pay up bout 5 mil (J$5,000,000) or sen yu go prison fi bout five (5) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime an a yu first time , den di court can tel yu fi pay dem some money or sen yu go prison fi bout ten (10) year.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout fifteen (15) years.

If a di second time or more yah commit a big cyber crime, den di court can tel yu fi pay dem some money or sen yu go prison fi bout twenty (20) years.

Section 10 - If yu illegally gi peepl certain device or data fi dem go do a cyber crime.

Long story shawt

Yu bruk di cyber crime law if yu have, get, mek, bring een, sen out, tell peepl bout or make a computa, a key, or some odda type a device weh u knw mek fi commit cyber crime.

Fi likle likle cyber crime:

If di court seh yu guilty, den dem can tel yu fi pay bout 4 mil (J$4,000,000) or sen yu go prison fi bout four (4) year.

If yu mash up supn pan yu likle likle cyber crime, di court can tel yu fi pay up bout 5 mil (J$5,000,000) or sen yu go prison fi bout five (5) year.

If a yu secon time or more a commit a cyber crime, den di court can tel yu fi pay up bout 5 mil (J$5,000,000) or sen yu go prison fi bout five (5) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout (10) years.

If yu mash up supn pan yu yu big cyber crime, di court can tel yu fi pay dem some money or sen yu go prison fi bout fifteen (15) years.

If a di second time or more yah commit a big cyber crime, den di court can tel yu fi pay dem some money or sen yu go prison fi bout twenty (20) years.

Section 11 - If yu do bad tings gainst some extra special type a computer

Long story shawt

Some computer deh bout weh extra special and if yu commit a cyber crime gainst dem, yu can go prison fi bout twenty-five (25) year. Wen wi seh “Protected Computer” it mean any computer system weh use ina national security, weh store private material fi education, or weh really important to wi national operations like Banking and Financial Services, Public Utilities, Public Transport, Hospital, Court, Toll Road, Traffic Light, Bridge, Airport, Seaport.

Plus, it cova computer systems weh deal wid Public Safety like police, fire brigade, civil defence and medical service.

Section 12 - If yu help out or boost up smaddy fi do a cyber crime, an dem tings deh

Long story shawt

If yu boost up smaddy fi commit a cyber crime or yu help dem do di cyber crime den yu jus as guilty.

Section 13 - If yu try slow dung or block nuh investigation

Long story shawt

If yu know smaddy weh a get investigated fi a cyber crime an yu go tel dem bout it or buss nu info fi mek di investigation go south, den yu bruk di cyber crime law.

wul on, yu bruk Jamaica cyber crime law to if yu tel nuh lie, hide supn weh u know or try get rid a sum evidence fi yuself or if yu tell smaddy fi get rid a evidence fi yu weh connec to one cyber crime investigation.

Some exceptions deh deh tho weh wi tink bout before we say yu wrong. Example, if yu neva know seh the info weh yu buss wuda mash up one investigation or if di law did need yu fi share it, den wi might gi yu a bly.

Fi likle likle cyber crime:

If di court seh yu guilty, den dem can tel yu fi pay bout 3 mil (J$3,000,000) or sen yu go prison fi bout three (3) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout ten (10) year.

Section 14 - Tings weh business can get ina trouble fa

Long story shawt

If a business involve ina cyber crime, it can get charge fi it. If smaddy weh responsible fi run di business involve ina di cyber crime, den dem a get charge to.

If smaddy weh responsible fi run di business neva do ntn sensible fi try prevent a cyber crime by di business, den di court can tel dem fi pay up sum money or send dem go prison fi bout six (6) year.

Fi likle likle cyber crime:

If di court seh yu guilty, den dem can tel yu fi pay bout 3 mil (J$3,000,000) or sen yu go prison fi bout three (3) year.

Fi big big cyber crime:

If yu commit a big big cyber crime and a yu first time , den di court can tel yu fi pay dem some money or sen yu go prison fi bout ten (10) year.

Section 15 - Money and likle help out weh victims can get

Long story shawt

Wedda a likle or big big cyber crime yu do, di court can tel yu seh yu fi pay up sum money to smaddy who did get stress out or lose supn cauz a yu bad ways.

If yu believe seh yu suffa cauz a smaddy cyber crime, den di court can try get sum money fi yu, but only if a before di criminal get sentence.

Section 16 - How dis law understand some tings and wah it cover fi part 3

Long story shawt

Ina da section yah we tel yu weh the nex two (2) phrase dem mean but fi dis ya guide wi neva tink dat too important fi explain.

“Computer material”

“The power to seize”

Section 17 - Mekkin sure seh data nuh get change

Long story shawt

If one investigation a gwan an yu computa a store data weh important to di investigation, den di police can gi yu one letta weh seh u need fi mek sure seh ntn at all nuh happen to di data weh dem need.

Di letter suppose to have yu full name, how long yu need fi keep di data safe (60 day di most) an any special request bout how fi protec di data.

If yu fail fi protect di data as di letter ask yu, an yu nuh have nuh good reason why yu neva dweet, den yu commit one offence.

While one investigation a gwan, if yu tel nuh lie or try tek di investigator dem fi fool, den di court can tel yu seh yu need fi pay up some money or sen yu go prison fi bout seven (7) years.

Section 18 - Wah di law can tek weh and allow it fi search up

Long story shawt

Di court can tel yu seh yu fi gi dem yu computer an any data weh important to a cyber crime investigation.

Section 19 - Proof a di tings dem weh get tek weh

Long story shawt

If police tek weh yu computa, the officer dem weh tek it suppose gi yu one list weh show exactly wha dem tek, an di officer nuh fi tek too long fi gi yu di list.

If yu wha one copy a di data pan di computer weh di officer dem tek weh, yu have a right fi get it, unless it wudda turn out fi be a crime fi gi yu fi one reason or di odda.

Di officer weh tek weh yu computer suppose to mek sure seh no data pan yu computer nuh get change. If smaddy try change ntn pan di computa weh dem tek weh den da smaddy deh bruk di law.

Anyhow nuhbadi use di data pan di computer weh get tek weh by di officer fi do ntn outside a di cyber crime law, den da smaddy deh bruk di law.

Section 20 - Lose di right to yu tings

Long story shawt

Di legal system can tun di new owna fi yu computer in a different ways. Ina sum case, di system can apply fi be di new owna, but yu can still apply fi turn dung di application from di legal system so yu nuh lose ownership.

Section 21 - Tings yu can get force fi do

Long story shawt

Di police can ask di court fi force smaddy fi unlock any data weh dem need fi one investigation. Basically, di court tel peepl she yu fi give up yu password n dem ting deh, so dem can reach yu data an use it ina dem investigation.

Di police dem responsible fi protec yu password an anything weh yu did gi dem fi help dem access yu protected data.

Section 22 - Di area dem weh dis law hav powa

Long story shawt

Di cyber crime law cover any cyber crime activity ina Jamaica, by any Jamaican wedda dem deh pan Jamaican lan, ship, or anything weh fly (like plane and helicopter).

Section 23 - How some tings suppose to work

Long story shawt

Di minister can mek up some rules if da person deh feel seh it ago help di Cyber Crime Act do weh it suppose to do.

Section 24 - Power fi change di money weh di court can charge cyber criminal.

Long story shawt

After di govament minista get permission, da person deh can change di mount a money weh one guilty smaddy affi pay fi dem cyber crime.

Section 25 - Every 3 year di act fi get a fix up

Long story shawt

Every 3 year a group a govament peepl suppose to sidung and go go thru di Cyber Crime law fi mek sure seh it a keep up wid di type a cyber crime dem wha gwan ina di worl an ina Jamaica.

Section 26 - Di ole Cybercrime Act from 2010 nuh good no more

Long story shawt

Yea, di Cyber Crime Act weh buss ina 2010 nuh good no more so nuh stop use it.

Section 27 - Tings weh stil valid altho di 2010 Act no good.

Long story shawt

Altho di 2010 Cyber Crime Act no valid no more, any legal issue weh did already start get process ina di court unda di ole Act ago still continue get process ina di court.

Section 28 - Some tings weh get change up bout listening pan peepl communication.

Long story shawt

How wi understand the word “key” get change fi mean anything weh use yu can use fi prove seh you a really you.

References: